Navigation al Insula del Ursos 1997

Nord del litore de Norvegia Septentrional apud le bordo occidental del Mar Barents, un parte del Ocean Arctic, es Insula del Ursos (in norvegiano "Bjørnøya"). Le insula es le parte del sud del archipelago nominate Svalbard, que es sub soverano norvegian, situate in medio curso inter le circulo arctic e le polo nord. Quando le navigator hollandese Willem Barents discoperiva le insula 9ne del junio 1596, un urso polar era occidite apud le loco del disimbarcation, e in consequentia le nomine del insula ha devenite "Insula del Ursos". Su accesso es difficile, qual accesso non es facilitate per su litore saxose; normalmente on arriva per barca. Le sol habitantes, qui hodie son 9 in numero, del insula vive e labora apud le station meteorologic.

Nostre viage al insula a bordo de un veliero 38' longe comenciava in Norvegia Septentrional. Post que nos habeva preparate le veliero e emite le victualia in le urbe Tromsø, un cosa estranie, que postea utile serea, occurreva. In le porto del urbe nos levava le ancora e con isto un altere habeva se intricate. Deinde apud le quai un altere cosa estranie occurreva: nostre veliero era arietate per un pub(!) Un barca nominate "Sjøpub'n", que era convertite in un pub, ledeva le mast ante nostre proa. Tamen pauco post nos finalmente poteva partir del urbe; le die era 25te julio, le ultime die con sol de medienocte in iste urbe, sed navigante al nord nos poteva vide le sol nocturne se elevar plus alte super le horizonte de die in die.

Proximemente nos habeva navigate al largo, sed al mesme tempore diffucultates nos assaltava; a causa de vento forte del nord-est nos non poteva navigar facilemente, e anque le motor del veliero habeva fallite. Nos decideva navigar retro al terra, que non distante era, sperante vento favorabile. Nos remaneva apud le quai in Torsvåg, un parve loco con un pharo, durante duo dies.

Vespere del 27me julio le vente del nord nos pareva esser minus forte, e con un bon bulletin meteorologic nos decideva navigar al mar un altere vice. Ma le mar ancora era grosse e nos habeva un tempore dur e duo de nos habeva nausea. Tamen le mar se tranquillisave durante le die sequente, le vento cambiava su direction a oriental e nos poteva finalmente navigar sin le adjuta del motor. Al die tertie in le mar, 29ne julio, nos discoperive que nos habeva perdite tres quartos de nostre aqua dulce: le cisterna habeva facite aqua. Fortunamente, nos videva le insula apparer velate in nebula circa meridie ille die, e vespere nos arrivava a lo. Le temperatura sur le ponte habeva cadite ab 15°C post que nos habeva partite de Tromsø a 3°C quando nos videva le insula. Nos jectava le ancora e disimbarcava con un barca de cauchu, e le homines apud Bjørnøya Radio, le station meteorologic, nos dava un benvenita amicalissime.

Ante le insula il era tempore pro un decision importante. Nostre planos original era navigar plus a nord, al partes del nord-west de Svalbard, sed tante tempore jam era perdite e le problema con le motor non era resolvite, illo cessava de tempore in tempore. Ergo nos decidiva remaner durante alicun tempore al insula e postea returnar a Norvegia. Le die sequente, 30me julio, nos discoperive que un corda de nostre duo cordas era laxe e su ancora etiam nunc jace in le fundo del mar ante le station. Assi le ancora que nos trovave in Tromsø utile deveniva. Plus tarde ille die nos vadeva ex station ad un mina desertate nominate Tunheim in le est. Vadente trans le insula nos poteva studer le interessante geologia, flora e fauna del insula. Ma con le fauna seque un periculo: le urso polar. Illo es le plus grande typo de urso, e illo pote facilemente occider un homine, etiam quando inprovocate. Durante le estate illo rarmente remane al insula, illo nata al nord secundo le glacie, ma totevia on debe porta un carabin pro protection (nos videva nulle urso, solmente su vestigios).

Etiam si nostre plano era remaner al insula durante ancora un die, nos partiva tamen del insula ille vespere, proque con ventos favorabile nos habeva un bon occasion pro navigar. Durante tres dies sin grande difficultates nos navigava retro a Norvegia; le mar era calme e nos finalmente poteva nos diverter del navigation; nos videva plure porcos marin, phocas, balenas (balaeopterae rostratae) e naturalmente nonnulle aves marin. Quando nos transversava le latitude 70°30' approximante Tromsø, nos videva le prime poner e levar del sol del viage. Meridie 2nde augusto nos arrivava in Tromsø.

Istes partacipava in le navigation: Hallvard Berg, Harald Berg, Kjartan Bertelsen, Frank Hagen, Arild Ingebrigtsen e Steinar Midtskogen.

(25/7 1997 20:05MET · 35mm · 11 · 1/250): Partita ex Tromsø.
(26/7 1997 20:05MET · 35mm · 8 · 1/250): Vista de Torstind.
(26/7 1997 20:25MET · 60mm · 8 · 1/500): Torsvåg.
(26/7 1997 20:55MET · 105mm · 5,6 · 1/125): Ren proxime Torsvåg.
(27/7 1997 20:00MET): Al largo ancora vice.
(29/7 1997 18:35MET · 35mm · 11 · 1/30): Io ante le station meteorologic del insula.
(29/7 1997): Instrumentos meteorologic del station. Le temperatura es 3,4°C.
(29/7 1997): In le museo del station.
(29/7 1997 21:35MET · 35mm · 8 · 1/30): Io ante le station meteorologic del insula.
(30/7 1997 ~16:30MET): Parte septentrional e oriental del insula. Ubi es Pathfinder explorator?
(30/7 1997 ~17:20MET): Tunheim.
(31/7 1997 05:15MET · 35mm · 5,6 · 1/500): Mane tranquillo apud 74°N.