Mercurī diē Mārtiī tertiō
multō ante lūcem surrēxī ut Osloae āëroportum in tempore aduenīrem; quartum quartō annō iter in arcticās terrās factūrus eram. apud āëroportum autem nix dē caelō cecidit cumulābatque in terrā et ob ea nōnnūlla āëroplana ēuolāre nōn poterant. aliquamdiū exspectāuī tandemque in āëroplanum cōnscendere potuī; dum āëroplanum dēglaciātur curriculumque bis pūrgātur, ēuolātiōnem (idque satis diū!) dēnuō exspectāuī. dēnique in āëra uectus sum. dēglaciātiō 1999/3/3 09:38MET 35mm ; f/5,6 ; 1/125" 200ISO ; UV 60,99Kb 1211·1872 prope Lofoten 1999/3/3 11:13MET 24mm ; f/2,8 ; 1/4000" 200ISO ; UV 60,40Kb 1215·1886 breue post fuī super Noruēgiam septentriōnālem in caelō serēnō. terrae nūdae niue candidulae spectāculō frūctus sum. tum super mare altum glaciemque maris arcticī. quattuor hōrīs post ēuolātiōnem Osloēnsem īnsula illa Spitsbergēnsis ē marī et glaciē et nūbibus sub hebetī austrālī sōle appāruit. dē āëroplanō, breuī priusquam terram contigit, Vallem Vrsōrum uīdī, quam extrēmā hebdomade mē uīsūrum cōnstitueram. uallis apud mare, quod dīcitur Sinus Glaciālis, sita est; propter uentōs uērō ex oriente flantēs mare glaciē paene uacuom erat. Vallis Vrsōrum 1999/3/3 13:37MET 50mm ; f/2 ; 1/2000" 200ISO ; UV 34,48Kb 1202·1859 casa XIII extrēma urbis 1999/3/8 09:52MET 24mm ; f/5,6 ; 1/125" 100ISO ; UV 45,24Kb 1872·1197 Longenniam caput īnsulae aduēnī, ubī habitant 1300 Noruēgī. pactus eram ut quemdam amīcum conuenīrem, quī mē domum suam hospitāliter inuītārat. conclāue eiius in casā urbis austrālissimā petīuī et ibi sarcinās meās posuī et in aedificium ūniuersitātis ubī studēbat iī ut eum uīserem. in tēctō statiōnis aurōrālis 1999/3/3 17:38MET 24mm ; f/2,8 ; 1/4" 200ISO ; UV 31,19Kb 1841·1188 statiō aurōrālis in Valle Aduentūs 1999/3/3 18:04MET 24mm ; f/2,8 ; 1" 200ISO ; UV 27,19Kb 1868·1197 ūniuersitātem, quam anteā tantum breuiter uīderam, mihi mōnstrāuit. deinde cum quōdam doctōre Russicō ad statiōnem aurōrālem in Valle Aduentūs sitam adiimus et statiōnem īnstrūmentaque studiōsē īnspexī. uesperī iterum conuēnimus domī illīus Russī, ubī festulum habuimus priusquam caupōnam petīuimus. ad multam noctem in caupōnā mānsimus, iūcundum tempus ēgimus. nox clāra fuit; lūna montēs caelumque illūstrāuit. facere nōn potuī quīn māchinam phōtographicam in noctem ferrem ut hanc lūcem in pelliculā imprimerem. lūmen lūnae 1999/3/4 03:22MET 24mm ; f/2,8 ; 27" 200ISO ; UV 33,39Kb 1872·1202 Vallis Longennia 1999/3/4 03:22MET 24mm ; f/2,8 ; 20" 200ISO ; UV 32,44Kb 1890·1224
Iouis diē Mārtiī quartō
postrīdiē quom experrēctus essem, caelum serēnum mē in montēs uocāuit; temperātūra circiter -15 gradūs Celsiānōs ualuit et uentus leuiter flāuit, uēlōcitāte 5 - 10 m/s. haut nimis frīgidum. sōl ortus erat, at in hōc locō septentriōnālissimō, modo 1300 chīliometra ā polō arcticō, radiī sōlis nōndum uallīs penetrāre potuit. montem Nordenskiöld, altitūdine 1050 metra suprā lībram maris, ascendere uoluī ut sōlem spectāre possem. Glaciem Longenniam ascendī. īn summā glaciē, ubī aliīs nartātōribus, quī hūc autocīnētīs uēnerant, obuiam uēnī, decem tantum metrīs in umbrā stābam, sed ad summum montem perrēxī. mox ita arduos factus est ascēnsus ut timērem nē tūtē dēscendere possem. igitur dē monte dēscendī summō nōn attāctō. id autem temporis, quom ad summam glaciem reuēnissem ubī uix in umbrā steteram, sōl locum relīquerat. ergō eō diē nūllum sōlem uīdī. summā mōle glaciātā 1999/3/4 13:16MET 24mm ; f/2,8 ; 1/500" 64ISO ; UV 46,79Kb 1881·1206 nartātōrēs apud summam mōlem glaciātam 1999/3/4 13:22MET 200mm ; f/5,6 ; 1/250" 64ISO ; UV 55,05Kb 1211·1877 dēspectus in Vallem Longenniam 1999/3/4 13:43MET 200mm ; f/5,6 ; 1/250" 64ISO ; UV 58,12Kb 1206·1877 dēspectus in montēs 1999/3/4 13:50MET 24mm ; f/5,6 ; 1/250" 64ISO ; UV 28,33Kb 1870·918 in introitū cauernārum 1999/3/4 20:39MET 24mm ; f/2,8 ; 1" 64ISO 37,25Kb 1877·1211 in cauernā glaciēī Hans-Patrick Kuss 1999/3/4 20:50MET 24mm ; f/2,8 ; 1" 64ISO 43,08Kb 1877·1197 in cauernā glaciēī 1999/3/4 21:27MET 24mm ; f/2,8 ; 6" 64ISO 28,19Kb 1845·1202 uesperī iterum Glaciem Longenniam ascendī ut cauernās sub superficiē mōlis glaciātae cum aliquot studiōsīs ūniuersitātis explōrārem. sub superficiē sunt cauernae aestāte aquā creātae. omnī annō nouae sunt. labyrinthus mīrābilis est. suprā superficiem aurōra boreālis per caelum errābat. quasi columnae caelestēs colōre uiridēs super terram austrālem stābant, tum immōbilēs tum mōbilēs sīcut aulaea uentō trepidant. dēscendēns mē ualdē piguit quod pelliculam tardam, quae hanc lūcem hebetem imprimere nōn potest, in māchinā phōtographicā posueram. ad multam noctem aurōrae boreālēs per caelum errārant.
Veneris diē Mārtiī quīntō
diēs posterus etiam pulchrior illūxit caelō serēnō, temperātūrā -20 graduom ac uentō lēnissimō. eō diē pactī sumus ut nōnnūllī studiōsōrum ūniuersitātis et ego in quamdam casulam in Valle Vrsōrum proficīscerēmur. pars nostrum secundum lītus et per āëroportum iimus, duo Montem Aequom trānsiērunt. in itinere, simul atque aduesperāuit, tempestās uersāta est; subitō procella ex oriente perflāre incēpit repentéque āēr plēnus niuis ad lībram flantis fuit. dīcī nōn potuit utrum nix dē caelō an dē montibus ceciderit. multa nox erat et caelum lūmine lūnae carēns obnūbilātum erat et longē ā lūce urbis fuimus; māximās iimus per tenebrās. quom ad casulam uēnissēmus temperātūram -7 gradūs mēnsī sumus extrā casulam, at -15 gradūs intrā casulam; sānē caelum breue tempore uersātum erat. mox autem casula focō incaluit et cēna parāta est. illī, quī Montem Aequom trānsierant, sub mediam noctem uēnērunt. quīdam hōrum ē calamitāte aegerrimē seruātus erat; in tenebrīs nartāns sex metra per āëra cecidit dē rūpe niuium īn summō clīuō ualdē arduō 400 metra suprā īmum uallis. peropportūnē accidit ut sānus ē calamitāte sēsē ipse seruāret. hunc, inquit alter tūtus in casulā, dēscēnsum in lūce sōlis facere nūllō modō audērem. rēcte dīxit; in lūce diēī posterī locum uīdimus et omnēs horruimus. tōtam noctem bene cēnāuimus, bibimus ac collocūtī sumus. Longennia 1999/3/5 09:56MET 24mm ; f/2,8 ; 1/60" 64ISO ; UV 52,77Kb 1868·1202 in aulā ūniuersitātis 1999/3/5 16:45MET 24mm ; f/2,8 ; 1/15" 200ISO ; 80C 59,84Kb 1872·1224 cēna in casulā studiōsōrum Rupert Krapp, Morten (tergō uersō), Jonathan, Maria, Jens Larsen 1999/3/5 22:17MET 24mm ; f/2,8 ; 1" 200ISO ; 80C 55,49Kb 1872·1224 casula studiōsōrum in Valle Vrsōrum 1999/3/6 02:15MET 24mm ; f/2,8 ; 60" 200ISO 34,51Kb 1836·1206 cāsus dē rūpe niuium Knut Høyland 1999/3/6 16:48MET 24mm ; f/2,8 ; 1/125" 200ISO ; UV 27,75Kb 1868·1202
Saturnī diē Mārtiī sextō
trāns Sinum Glaciālem 1999/3/6 11:07MET 24mm ; f/5,6 ; 1/250" 200ISO ; UV 30,41Kb 1863·1206 casula prope Sinum Glaciālem sita est. in lūce diēī posterī magna pars huiius maris uidērī potuit. mare etiamtum propter uentum ex oriente flantem glaciē paene uacuom erat. trāns mare montēs niuōsī longē lātēque uidērī potuērunt ac dē hīs mōlēs glaciātae in mare immōtē fluentēs. longē trāns Sinum Glaciālem 1999/3/6 11:22MET 500mm ; f/8 ; 1/125" 200ISO ; UV 43,04Kb 1872·1197 prandium 1999/3/6 12:06MET 24mm ; f/2,8 ; 1/4" 200ISO ; 80C 54,17Kb 1868·1211 aliquamdiū tēlescopiō dē quōdam colle mare dēspectāuī ut quidquam animal cōnspicerem, sī quod (tāle scīlicet ut ursus maritimus) esset inter glaciem maris. hīc haut rāra sunt. at nūllum uīdī. ego 1999/3/6 12:50MET 135mm ; f/32 ; 1/15" 200ISO ; UV 41,36Kb 1881·1206 quartā hōrā post merīdiem ultimī nostrum casulam relīquimus; pars nostrum cōnstitueram ut per Montem Aequom Longenniam redīrēmus. saccō grauī (nimis īnstrumentī phōtographicī portāueram!) multī sūdōris fuit mihi ascēnsus; dīcerem mē bis ascendisse, arduos enim fuit ascēnsus et nix tam dūra ut eam calcāre nequīrem quōminus lāberer - identidem lāpsus sum. quom summum montem attigissēmus, sūdōre sīc maduī ut uestīmenta mūtāre debērem. capite nūdātō statim capillus glaciātus est; sed post breue frīgoris spatium lāneīs uestīmentīs āridīs molliter calefactus sum. summī montis aequor trānsiimus. satis niuis ibi fuit; interdum pondus noster ā niue portātus est, interdum pedēs niuem perrūpērunt. tandem per Vallem Trānsuersam in lūce cȳaneā sōlis occāsī Longenniam aduēnimus. atque egometipssimus 1999/3/6 12:59MET 135mm ; f/5,6 ; 1/250" 200ISO ; UV 74,00Kb 1206·1868 lītus Sinūs Glaciālis 1999/3/6 13:09MET 24mm ; f/16 ; 1/60" 200ISO ; UV 44,81Kb 1868·1206 uestīmentī aliquid āridī mēcum tuleram 1999/3/6 16:55MET 24mm ; f/4 ; 1/125" 200ISO ; UV 46,17Kb 1872·1202 summa Vallis Trānsuersa 1999/3/6 19:10MET 24mm ; f/2,8 ; 1" 200ISO ; UV 41,48Kb 1868·1206
Sōlis diē Mārtiī septimō
Purushotham Kanuganti "Vttam" 1999/3/7 12:43MET 24mm ; f/5,6 ; 1/125" 100ISO ; UV 42,15Kb 1202·1836 diēs requiēscendī. sed tempus ad nartandum fuit. dēmīrātus eram mē hōc omnium terrārum in locō quoidam Indō obiuam uenisse. studiōsus in ūniuersitāte erat. ego nuper in India fueram multaque dē Indiā collocūtī sumus. cupiēbat ille Indus nōmine Vttam nartāre discere, et igitur cōnstituimus ut eō diē nartārēmus. īmam partem Glaciēī Longenniae ascendimus, et sānē satis bene nartāuit, quamuīs nartāre numquam anteā cōnātus esset! at dēscēnsus illī uērē mīrābiliter labōriōsus fuit.
Lūnae diē Mārtiī octāuō
Longenniae est nox diēs continuōs centum sēdecim, sed ob montēs, quī urbem circumstant, sōl uidērī nōn potest ante diem octāuom mēnsis Mārtiī post quīnque mēnsēs nūllō ortū. eō diē prīmī radiī sōlis quemdam in urbe locum attingit, ubī puerulī urbis congrediuntur cantantque, et sīc incipient diēs festī sōlis. Longennia 1999/3/8 10:03MET 135mm ; f/5,6 ; 1/125" 100ISO ; UV 64,71Kb 1854·1211 in exspectātiōne sōlis 1999/3/8 12:19MET 24mm ; f/8 ; 1/125" 100ISO ; UV 77,50Kb 1854·1211 tempus mihi fuit ad initium diērum festōrum obeundum priusquam urbem āëroplanō relīquī. etiam relātōrēs tēleuīsificī huic redituī sōlis interfuērunt et uesperī omnia in tēleuīsiōne iterum spectāuī. sexāgintā ferē minūtās post merīdiem sōl appāruit et in āëroportum abiī. relātiō tēleuīsifica 1999/3/8 12:21MET 24mm ; f/8 ; 1/125" 100ISO ; UV 53,72Kb 1206·1854 domum uesperī aduēnī. Osloae mē absente multum nīnxit. permultum. ubīque fuērunt tantae mōlēs niuium; ūnā septimānā tōtum metrum niuis cāsum est. scālae ualētūdinārī prīstini 1999/3/8 12:17MET 24mm ; f/5,6 ; 1/250" 100ISO ; UV 57,10Kb 1859·1211 puerulī 1999/3/8 12:34MET 135mm ; f/5,6 ; 1/60" 100ISO ; UV 96,00Kb 1868·1197 sōl reditūrus 1999/3/8 12:17MET 34mm ; f/5,6 ; 1/250" 100ISO ; UV 53,84Kb 1850·1211 cantor Jan Eggum 1999/3/8 12:36MET 135mm ; f/4 ; 1/125" 100ISO ; UV 65,34Kb 1202·1868 congrediuntur 1999/3/8 12:29MET 50mm ; f/8 ; 1/60" 100ISO ; UV 65,94Kb 1868·1211 sōl reditūrus! 1999/3/8 12:37MET 135mm ; f/5,6 ; 1/250" 100ISO ; UV 38,39Kb 1211·1863

dabam 20. Mār. 1999.

īnsula Spitsbergēnsis atque īnsulae obiectae annō 2000: expedītiō in īnsulās Spitsbergēnsēs nārrātiō quae sex partēs habet dē quādam nāuigātiōne in nāuī Sūlā Tromsoēnsī per Bernardī Mare in terrās septentriōnālēs Spitsbergēnsēs. lege hīc dē marī, terrīs atque huiius itineris mīrīs casibus. ad nārrātiōnem. dabam 13. Nou. 2000 annō 1998: dīlūculum arcticum diē Februāriī ūndecimō in urbem prīncipālem īnsulae Spitsbergēnsis prōuectus sum. adhūc in cursū hiemis tenebrae polārēs urbem tenēbant; ēleuābātur autem sōl in diēs propius propiusque horīzontem, et ultimō huiius mānsiōnis diē prīmī radiī sōlis summōs montēs breuiter attigunt. ad nārrātiōnem. dabam 26. Feb. 1998 annō 1997: nāuigātiō in Īnsulam Vrsōrum aestāte huiius annī interfuī in nāuigātiōne ad īnsulam Spitsbergēnsem. post nōnnūllōs uērō labōrēs ad Īnsulam Vrsōrum apud fīnem occidentālem Bernardī Mare sitam aduēnimus, ubī ob difficultātēs quae nōbīs fuerant dēcrēuimus ut in hāc īnsulā parumper manērēmus et deinde in Noruēgiam redīrēmus. ad nārrātiōnem. dabam 7. Aug. 1997 annō 1996: nox polāris mēnse Decembrī prīmum iter Spitsbergēnse fēcī. terra uērē mīrābilis ac tenebrōsa mihi ostenta est, nam sub brumā sōl ultrā duodecimum gradum īnfrā horīzontem nōn ēleuātur, et frīgus procellāsque arcticās passus sum. ad nārrātiōnem. dabam 21. Apr. 1997