Mercurī diē Februāriī ūndecimō
āëroplanum, in quod in urbe Noruēgiānā Tromsoeā impositus sum ūnā ante hōrā, suprā Īnsulam Vrsōrum, 74°30' ad boream et 19°00' ad orientem sitam, uolat. aestātem recordor superiōrem, quom nōs nāuī uēliferā idem iter paruō somnō quattuor diēs facerēmus. magnōs post labōrēs hūc uēnimus; quamquam eā mente erāmus ut ad īnsulam Spitsbergen nāuigārēmus, eō quidem nunc prōgredior, tamen ante īnsulam illam terga conuertimus. tunc memoriā itineris in Vrbem Longenniam Spitsbergēnsem quod decembrī fēceram īn septentriōnēs ductus sum, nunc in culmine orbis duplā inclīnātiōne animī ōtiō per paucōs diēs nouōs fruī exspectō. iam simul lūna plēna inter septentriōnēs et orientem ē nūbibus oritur, simul perfectā ferē oppositiōne occidit sōl inter meridiem et occidentem, tamquam pilae duae in lūdō quōdam caelestī. hōrās īnspiciō. 14:00. igitur in noctem polārem intrāuī. lūnae plēnae ortus 1998/2/11 14:05MET 105mm ; f/3,5 ; 1/60" 200ISO 18,02Kb nix āëra obscūrat 1998/2/11 18:00MET 35mm ; f/8 ; 6" 200ISO 95,90Kb uentus uehemēns ante aedīs scholārīs urbis 1998/2/14 20:50MET 50mm ; f/1,4 ; 1/8" 200ISO 80,19Kb hōrā tertiā post meridiem autoraeda ad Vrbem Longenniam, quam 1200 Noruēgēnsēs incolunt, 1300 tantum chīliometra ā polō septentrionālī sitam, mē addūcit. iam nox polāris mēnsēs propemodum quattuor habet, paucīs autem diēbus sōl oriētur. nunc dēmum hanc sōlitūdinem lūce, sīue potius dīlūculō, uideō. ultrā sinum niuālem Mōns Hiorth ēminet; prīmum recordor diem, quem hīc ēgī; multō māne aduēnī, illeque diēs december tam tenebrōsus fuit, ut tōtus prius trānsierat quam montem, quī nunc ignōrārī nōn possit, lūce lūnae dīmidiae orientis cōnspicerem. lūx montēs niuālīs colōre cȳaneō ac frīgidō pingit; nempe haec est, quod nōmen Noruēgiānum Svalbard significat, terra ōrārum frīgidārum. paucīs hōrīs post urbs in tālīs tenebrās lente mergit atque illō diē decembrī fuēre. ut hieme solet, hās terrās gelidās perflant uentī; tantās niuīs 100 pedēs ad caelum ruont ut āēr obscūrētur. uērum tamen āēr nunc nōn tālis est quī uentō meam faciem ambūrat, frīgōre circiter -8 graduom Celsiānōrum, multō calidior quam gelū uentōsum quod hīc antea dūrāuī. prīmō uespere labōribus parcō, per urbem sōlum spatior, nam iam duōs diēs febrim habeo; lassus sum. febrim 38,3 graduom mētior et cubitum eō.
Iouis diē Februāriī duodecimō
febrīculam tantum habeō et melius ualeo; spēs salūtis mē tenet. tempestās permanet, nūbilat et nix inter angulōs aedificātiōnum properat. mē ad nartatiōnem parō; sarcina īnstrūmentis phōtographicīs grauēscat, idcircō frīgōris, quod uentīs additīs sīcut -30 gradūs ualet, obseruāns mē quam expedissimē uestiō. mauser sclopētum īnsuper mē grauat; nam, ut clāmant istī libellī apud āëroportum, īn sōlitūdinibus uagantī arma suntō; nūper ursus maritimus (uel polāris) uīsus est apud āëroportum, ē partibus suburbānīs uestīgiōrum nūntiī uēnērunt, ūnus quidem in oppidō Nouā Ālesundiā occīsus est et aliī oppidum uexābant, tandem in Īnsulā Vrsōrum decem ursī hīs diēbus incolās tenent; ita haec ēuenta īn sermōne hominum uersantur. ad iter parātus 1998/2/12 11:55MET 50mm ; f/5,6 ; 1/15" 200ISO 51,84Kb lūna aurōráque trāns nebulam fulgent 1998/2/12 22:35MET 50mm ; f/2 ; 4" 200ISO 87,58Kb Glaciem Longenniānam ascendō. sūdō. uentī prōgressum enim plūs impedunt quam mē frīgefactant. glaciēs mē 1500 pedēs suprā mare fert, ubi in nihilum album intrō. nebulā et niue ruente omnis fōrma terrae dētersa est, undique uersus nihil uideō, terra caelō similis est, est nūlla rēs in quam oculōs possum conicere, oculī flūctuantur, ego uertīgine titubō; interdum petram uel umbram niuium obscūram cōnspiciō, uērum oculōs tamen in eās conicere nōn possum quīn modo maculae īnstābilēs esse uideantur. tandem dēspērō reuertōque; nempe nūlla est caussa, sī nihil uidēre potuero, quōr pergam, et iam uesperāscit. amplius quattuor hōrīs quīndecim tantum chīliometra prōgressus sum. noctū disserēnāscit lūnaque plēna trāns nebulam dīlūtam obscūre fulget. paucās minūtās clāra aurōra boreālis per caelum austrāle celerrimē errat.
Veneris diē Februāriī tertiō decimō
febrī cāreō, caelum īnstābile est. interdum autem maxima pars serēna est tempestātemque, dum diēs dīlūcēscat, mītiōrem fierī exīstimō. antequam domō abiī, tabulās fēcī, quae quōsdam fulgōrēs caelī praedīcunt. tālis fulgor paucīs secundīs in caelō manet et sescentiēs tantō fulgēre potest quam clārissimus Sīrius; caussa hōrum phaenomenōrum est in lūce sōlis, quae ā pannellis sōlāribus satellitum artificiōsōrum, quī Īridium appellantur, repercutitur. tempore 16:45:12 fulgor huiiusmodī appārēbit, quem phōtographicē reddere uolō. Montem Aequī (Platåfjellet) ascendō, ubi est dēspectus in uīcīniās urbis. lūcem magnificam cȳaneam colōre in hōrās fuscantem urbemque circumuēlantem sub caelō paene serēnō cōnspiciō. īnstrūmenta phōtographica apparō, et, dum uentus tripode ualdē sībilat, nōnnūllās imāginēs faciō; tantus uentus, quoi tergum uertō, nunc est, ut īnstrūmenta manibus firmē contineam nē omnia statim ruontur. nūbilāre coepit paullō antequam satelles appāret, sed nūbēs dīlūtae sunt, ita satelles trāns nūbīs fulgēbit. phōtomachinam accommodō et fulgōrem exspectō. nōnnūllōs satellitēs uideō, at tamen clārissimum quem exspectō nōn uideō. lūx cȳanea 1998/2/13 14:55MET 50mm ; f/1,4 ; 1/30" 200ISO 95,62Kb vesperāscit 1998/2/13 15:35MET 50mm ; f/1,4 ; 1/4" 200ISO 127,26Kb amplius uesperāscit 1998/2/13 15:40MET 50mm ; f/1,4 ; 1/4" 200ISO 93,15Kb 1600·1095 mox nox 1998/2/13 16:55MET 50mm ; f/1,4 ; 4" 200ISO 95,62Kb
Saturnī diē Februāriī quartō decimō
iam dīlūcēscit nartāsque pedibus aptō. nūllum montem hodiē ascendam, ita in nebulā nōn errābō; in Vallem Aduentūs ineō sub caelō īnstābilī, nunc nūbilō, nunc serēnō, uentī autem lēnius agunt. ego quom decembrī hīc essem, iugō canum trāns niuem uectus sum; sub caelō diurnō stēllātō aurōreōque magnifica fuit experientia. post paucās hōrās in urbem redeō ut ad cōnstitūtum temperī ueniam. mihi uacat alterum satellitem prōspicere, sed nē ille quidem appāret. āëroportus prīstinus in Valle Aduentūs 1998/2/14 12:05MET 50mm ; f/1,4 ; 1/500" 200ISO 111,54Kb introitū labyrinthī 1998/2/14 17:05MET 35mm 200ISO 59,65Kb cōnstituī ut cauernās Glaciēī Longenniānae cum septem hominibus explōrem. hae cauernae aestāte aquā creatae sunt, itaque quotannīs mūtātae sunt. in labyrinthum glaciēī rēpimus; alius uērō atque nouos mundus est. in glaciē 1998/2/14 17:15MET 50mm ; f/1,4 ; 3" 200ISO 93,25Kb ad alteram cauernam explōrandam abimus 1998/2/14 17:25MET 50mm ; f/1,4 ; 4" 200ISO 95,23Kb
Sōlis diē Februāriī quintō decimō
diēs mihi ultimam occātiōnem nartīs itineris faciendī dat, sed tempestās turbida est; ningit iamque nix acriter ruitur. Glaciem Laurentī (Larsbreen) bonā spē ascendō. prīmum paullum uideō, tum nihil. undique omnia quae uidērī potuerunt... 1998/2/15 11:40MET 35mm 200ISO 13,57Kb īn summā glaciē uīsus pessimus fit; interdum petrās et aliās rēs trāns niuem ruentem uix cōnspiciō mēque nihil, quod amplius absit 25 ferē metra, uidērī posse exīstimō. bonus uīsus 1998/2/15 11:00MET 35mm 200ISO 132,63Kb peiior uīsus 1998/2/15 11:30MET 35mm 200ISO 39,26Kb tempus requiēscendī 1998/2/15 12:05MET 35mm 200ISO 117,24Kb breuī tempore urbs ē nebulā appāret 1998/2/15 12:05MET 35mm 200ISO 101,90Kb summō Monte Sarcophagō 1998/2/15 12:15MET 50mm ; f/4 ; 1/60" 200ISO 27,63Kb cursum ad Montem Sarcophagum (Kistefjellet) aduertō; forsitan est īn summō monte dēspectus in urbem. praeter iugum montis pergō, utrimque nihil ē nebulā appāret. ad summum adueniō; sī caelum serēnum fuisset, urbem ante rādicem montis uīdissem; nunc quidem urbem uix cōnspiciō. requiēscō et prandium glaciāle edō. subitō disserēnāscit, urbem uideō īnstrūmentaque phōtographica prōferō. breuī tempore autem nūbilātur, tum ē oriente procellae tam uehementēs mē adoriuntur ut timeam nē nōn īnstrūmenta possim continēre. iterum dēspērō, meās rēs colligō et per glaciem dēscendō. īnfera glaciēs ardua est, et nartīs dēscendere nōn audeō; eās igitur ē pedibus exuō. deorsum per glaciem cautē lābor, at breuī effrēnātē cadō. attat! fūgit mihi narta! tumultū eam perdidī ego miser; nunc in cauom glaciēī contendit, apud marginem cauī parumper īnsistit, tum, heu, in profundum ēuānēscit. ast ego, ut ita dīcam, nartam prō mē uendidī. nūllā nartae recipiendae spē marginem appropinquō ut eam quaeram, et, mīrābile dictū, nartam in cauō iacentem uideō. paene sine difficultāte in cauom dēscendō, nartam perditam colligō et ascendō. uespere eiiusdem diēī disserēnāscit. alterum satellitem obseruāre spērō; tempore 19:03:58 appārābit quīngentiēsque tantō fulgēbit quam Sīrius clārissimus. īnstrūmenta phōtographica in lītore maris apparō, illum autem nōn uideō. tamen ūnum, quī in tabulīs nōn inuenitur, hodiē uīdī. notam scrīpsī: tempus: 15:58, azimuth: 290° (+/-20°), ēleuātiō: 18° (+/-4°), magnitūdō: -5 (+/-1). at enim gaudeō quod tempestās nunc ēgregia est; mediā in urbe stō; quot stēllae! hīc uiam lacteam ac stēllās magnitūdine quīntā uideō. in uerticem ferē stēlla polāris micat, in meridiem Ōriōnem uideō, in boream Herculem. nōnnūllās imāginēs phōtographicās faciō, quae stēllōs magnitūdine nōnā imāginant. hodiē duo ursī, ut postea cognōuī, per glaciem maris ante urbem errārunt. Mōns Aequī 1998/2/15 19:20MET 50mm ; f/1,4 ; 4" 200ISO 99,50Kb Ōriōn meridiālis 1998/2/15 20:00MET 50mm ; f/1,4 ; 2" 200ISO 70,52Kb dēuersōrium Funken 1998/2/15 20:10MET 50mm ; f/1,4 ; 4" 200ISO 76,96Kb stēllae magnitūdine nōnā Ōriōn post montem 1998/2/15 20:15MET 50mm ; f/1,4 ; 20" 200ISO 84,10Kb
Lūnae diē Februāriī sextō decimō
hōrā secundā post meridiem in Noruēgiam prōficīscar. nunc dēmum diē quīntō prīmam lūcem ūnā hōrā prius uenīre et tenebrās ūnā hōrā post animaduertō. hōrā octāuā post mediam noctem quāle caelum hodiē sit intelligō; intrā hōram tālis est lūx ut ego paene exanimer. perfectē disserēnat, flātum clementem sentiō; quamquam temperātūra subter -20°C lāpsa est, hunc calidum esse sentiō. capite manibusque nūdīs ambulō et gaudeō. mē piget hunc locum relinquere! perēgregia 1998/2/16 08:20MET 50mm ; f/1,4 ; 1/8" 200ISO 101,71Kb 1600·1089 reditus sōlis! Mōns Nordenskiöld 1998/2/16 11:55MET 105mm ; f/3,5 ; 1/30" 200ISO 112,43Kb hic quidem diēs magicus hercle fiet. nam Februāriī 16. est prīmus diēs annī quandō sōl radiīs suīs summōs montēs tangat. summum aliquoiius montis ascendere ualdē cupiō, sed nōn uacō excursiōnī. tamen montem metallī II, quamquam minor est quam quem possint attingere radiī, ascendō et illud tempus magicum exspectō. meridiē sōl summōs montēs colōre sanguineō pingit, sīcut ego anteā animō fīnxī. eu hercle! annī prīmus sōl Mōns Hiorth 1998/2/16 12:00MET 105mm ; f/3,5 ; 1/30" 200ISO 106,65Kb duās post hōrās iterum lūx colōre cȳaneō diem inuoluat. ultimās imāginēs huiius terrae mīrābilis ex āëroplanō faciō. mox atrōx tempestās urbem adoritur: nūllō āëris calefactū procellae uēlōcitāte apud āëroportum 36m/s mētiuntur. oiei! domī ego caussam quōr satellitēs nōn uīderim inueniō; ratiōnēs enim orbitārum obsolētae erant. recentiōrēs id cōnfirmant; per illās phaenomenon ūnum quod obseruāuī inuenitur: tempus 15:57:41, azimuth: 270°, ēleuātiō: 21°, magnitūdō: -6,0. Vallis Adventūs, Mōns Operae Vallis Prīma, Vallis Secunda 1998/2/16 15:15MET 50mm ; f/1,4 ; 1/30" 200ISO 87,51Kb Svea metallum 1998/2/16 15:18MET 50mm ; f/1,4 ; 1/30" 200ISO 94,53Kb

dabam 26. Feb. 1998.

īnsula Spitsbergēnsis atque īnsulae obiectae

annō 2000: expedītiō in īnsulās Spitsbergēnsēs nārrātiō quae sex partēs habet dē quādam nāuigātiōne in nāuī Sūlā Tromsoēnsī per Bernardī Mare in terrās septentriōnālēs Spitsbergēnsēs. lege hīc dē marī, terrīs atque huiius itineris mīrīs casibus. ad nārrātiōnem. dabam 13. Nou. 2000 annō 1999: exspectātiō sōlis redientis Mārtiī diē octāuō radiōs sōlis, prīmōs annī, Vrbem Longenniam attingentēs uīdī. eō diē puerulī urbis congrediuntur quōdam in urbe locō, ubī sōl oriēns post quīnque mēnsēs nūllō ortū merīdiē uidērī potest et hīc incipiunt diēs festī sōlis. ad nārrātiōnem. dabam 20. Mār. 1999 annō 1997: nāuigātiō in Īnsulam Vrsōrum aestāte huiius annī interfuī in nāuigātiōne ad īnsulam Spitsbergēnsem. post nōnnūllōs uērō labōrēs ad Īnsulam Vrsōrum apud fīnem occidentālem Bernardī Mare sitam aduēnimus, ubi ob difficultātēs quae nōbīs fuerant dēcrēuimus ut in hāc īnsulā parumper manērēmus et deinde in Noruēgiam redīrēmus. ad nārrātiōnem. dabam 7. Aug. 1997 annō 1996: nox polāris mēnse Decembrī prīmum iter Spitsbergēnse fēcī. terra uērē mīrābilis ac tenebrōsa mihi ostenta est, nam sub brumā sōl ultrā duodecimum gradum īnfrā horīzontem nōn ēleuātur, et frīgus procellāsque arcticās passus sum. ad nārrātiōnem. dabam 21. Apr. 1997