aestāte annī MDCCCCLXXXXVIIII

Tōkium
Sīniuku 1999-07-16 19:21JST 50mm f/1,4 ; 1" 200ISO maiior dēuersōrium, quod riokan uocātur, in Sīniuku 1999-07-17 13:14JST 50mm f/4 ; 1/250" 200ISO pol, UV maiior Sīniuku 1999-07-21 20:41JST 24mm f/2,8 ; 1/80" 1600ISO UV maiior annō mīllēsimō nōngentēsimō nōnāgēsimō nōnō nōnnūlla itinera fēcī inter quae ūnum cum amīcō in Iaponiam. numquam in illā terrā fueram, multaeque fuērunt rēs nouae, sīcut lingua et mōrēs. bene accidit ut esset mihi amīca in Iaponiā quae nōs exspectāret. ea quidem et eiius familia nōnnumquam auxiliō maximō uēnērunt. in Sīniuku, hoc est in mediā urbe Tōkiō, commōrātī sumus. inter aedificia nouissimō modō aedificāta fuit quoddam dēuersōrium antīquom, et paene addūcor ut dīcam persordidum, genere riokan (ut Iaponicē dīcitur). sitū commodius fuit, ut ita dīcam, quam luxuriā. nōs autem satis bonum fuit. urbēs mihi nōn ita placent ut mē diū tenēre possunt; omnī occāsiōne ad urbem effugiendam ūsus sum. et montēs quōrum Iaponia plēna est petēbam. Sīniuku 1999-07-15 22:59JST 24mm f/2,8 ; 1" 200ISO maiior Sīniuku 1999-07-21 20:36JST 24mm f/2,8 ; 1/60" 1600ISO UV maiior Sīniuku 1999-07-21 20:42JST 80mm f/1,4 ; 1/125" 1600ISO UV maiior Īuatakeisīiama 1999-07-27 12:50JST 24mm f/5,6 ; 1/60" 100ISO pol maiior
Tateiama
Dakanbo 1999-07-20 16:44JST 24mm f/2,8 ; 1/125" 100ISO maiior cōnstituī ut iter sōlus facerem per montēs in regiōne quae Toiama uocātur, quia hōs montēs audīuī perpulcherrimōs esse. iter trium diērum fuit trāminibus, autocīnētīs, pedibus, fūnicarrīs et nesciōquō. nōn dubitō quīn hōs montēs pulchrī sint, sed ego quidem paene nihil uīdī nisi nebulam. bene recordor mē praeter dorsum altī montis ambulāre; nebula ita crassa fuit ut nihil quod circiter 25 metrīs aberat uidēre potuī; etiam īnsuper imber ob uentōs faciem pupugit. intellēxī mē in mediō ipsō locō esse ubī tempestātēs nāscantur. summum montem Ōiamam attigī ubī quoddam templum situm est. ex quō sōliārius monachus exiit, cornū signum dedit, et rediit intrō. dum haec facit, nōn adspectum quidem ad mē conuertit, quasi ego nōn adfuerim. mihi imbrī madefactō suāue fuit dē montibus frīgidīs dēscendere in uallīs calidās. quanta fēlīcitās. multō māne Arīmīnegutsī 1999-07-20 06:26JST 50mm f/2 ; 1/250" 200ISO pol, UV maiior Vallis Īnfernōrum 1999-07-20 09:16JST 24mm f/2,8 ; 1/125" 100ISO pol maiior summō monte Ōiamā 1999-07-20 14:06JST 80mm f/2 ; 1/500" 100ISO pol, UV maiior
Fuiī mōns
etiam illum Fuiī montem praeclārum cum amīcae frātre ascendī. prīmā diēī lūce montis rādīcem peruēnimus. summus mōns nūllō modō longē abesse nōbīs uīsus est et breuī tempore uerticem paene attigimus; tria mīlia metrōrum et quadrīgentī suprā mare fuimus. hīc autem āēr ita tenuis fuit ut caput doluit. praetereā nocte priōrī nūllum somnum cēperāmus. tardius ultimam partem ascendimus summōque monte sub diuō duās hōrās dormīuimus prius quam recreātī dēscendimus. rē uērā ascēnsiō ipsa taedium fuit. tamen operae pretium est, nam summō monte est dēspectus sānē ēgregius. ut Iaponēnsēs dīcunt, sapiēns quī Fuiī montem semel ascendit, stultus quī iterum ascendit. multō māne ante rādīcem Fuiī montis 1999-07-26 04:45JST 24mm f/2,8 ; 1/60" 100ISO maiior summō Fuiī monte 1999-07-26 12:24JST 24mm f/8 ; 1/60" 100ISO pol maiior crātēr uolcānī 1999-07-20 14:05JST 24mm f/8 ; 1/60" 100ISO pol maiior

dabam 4. Mār. 2002.