aestāte annī MDCCCCLXXXXVIIII

ad Nouam Terram aduentus: diē Mercúrī Iūniī 30.
Portus Vasconum 1999-6-30 21:09NST 135mm ; f/5,6 ; 1/250" 200ISO 43,30Kb 1850·1202 dēuersōrium mōbile 1999-7-1 07:19NST 24mm ; f/8 ; 1/60" 200ISO 75,66Kb 1832·1211 ab oppidō Sydneiiō in Nouā Scotiā sitō nāuī trānsuectus sum in Nouam Terram, in oppidum quod Portus Vasconum dīcitur. quid facerem in Nouā Terrā nescīuī nisi hoc ūnum: aduenīre ad sinum paruom in Terrae Nouae septentriōnālissimō prōmunturiō situm, ubī Normannī - seu potius Vīkingī - mīlle annōs anteā habitārant. sarcinae meae grauēs erant longēque itūrus eram idque etiam tempore breuissimō. sextō enim diē mihi necesse fuit iterum in Nouā Scotiā esse ut āeroplanum caperem quod mē in Īslandiam eō diē ueheret. autocīnētum, et ūnum tantum uehiculum meritōrium in tōtō oppidō inuenīrī potuit, condūxī, quod erat sōlus modus quō iter ita celeriter facere potuī. Sydneiium prīdiē peruēnī nāuī uēlifera et quattuor septimānās cum duobus sociīs nāuigāueram in illā nāuī minūtissimā. nunc tandem in terrā firmā sōlus stetī libenterque ambulāre potuī. quae fēlīcitās! uehiculum quod nunc habēbam etiam dēuersōriō mihi erat. ita contracta fuerat uīta in nāuī ut uehiculum satis spatiōsum mihi uisum est. tantum spatium, quod omne mihi sōlī fuit! uesperāscente diē Portum Vasconum relīquī. sub mediam noctem dum ad summum quemdam clīuom accēdō, subitō duo uīdī oculōs splendentēs in uiā mediā. uehiculum statim sufflāmināuī ut celerrimē. uehiculō statō stetit pauca metra ante oculōs meōs quaedam alcē. mē contemplāta est, ego eam contemplātus sum. tum perterrita est alterō uehiculō et in siluam cucurrit. iam centum et uīgintī chiliometra ā Portū Vasconum fuī cōnsiliumque cēpī noctem hīc subsistere. bene dormīuī.
Grandis Mōns: diē Iouis Iūliī 1. (diē Canadae)
Via Trānscanadiāna 1999-7-1 07:27NST 24mm ; f/8 ; 1/125" 200ISO 62,10Kb 1814·1206 silua 1999-7-1 07:48NST 24mm ; f/8 ; 1/125" 200ISO 104,24Kb 1809·1206 lacus 1999-7-1 08:50NST 24mm ; f/5,6 ; 1/125" 200ISO 76,61Kb 1876·1210 septem hōrās post iterum in uiā fuī. et mox in mediīs hortīs nātiōnālibus quī Grandis Mōns uocātur. ille diēs, Kalendae Iūliae, diēs Canadae appellātur, quia Canada Kalendīs Iūliīs annō 1867 cōnfoederātiō facta est. hōc annō Kalendae Iūliae serēnae fuērunt in Nouā Terrā. tālis diēs fuit quem uix recordārī potuī umquam anteā uīdisse. numquam sōlem clāriōrem uīdī. in sōle dīmidiō diē per siluās, uallīs montīsque hortōrum ambulāuī. omnia pulcherrima serēnī gratiā. perpulcherrima. uerba dēsunt. Grandis Mōns ipse rē uērā nōn ita grandis est. immo collis potius uocandus est. sed dignus sānē est quī ascendātur. priusquam in prōmunturium septentriōnāle īre perrēxī cibum ēdī in oppidulō Portū Saxōsō haud procul ā Grandī Monte sitō. et in multam noctem prōgressus eram quom tandem pernoctō modo centum chiliometra ab oppido Antōniopolis. mētam itineris prope fuit. hortī nātiōnālēs Grandis Mōns 1999-7-1 10:59NST 24mm ; f/8 ; 1/125" 200ISO 89,33Kb 1862·1206 hortī nātiōnālēs Grandis Mōns 1999-7-1 11:13NST 24mm ; f/4 ; 1/125" 200ISO 81,42Kb 1877·1215 ego summō Grandī Mōnte ipsō 1999-7-1 14:54NST 24mm ; f/8 ; 1/60" 200ISO 69,65Kb 1864·1180 Portus Saxōsus 1999-7-1 18:53NST 24mm ; f/5,6 ; 1/125" 200ISO 90,90Kb 1874·1212 domus nesciōquoiius 1999-7-1 20:36NST 135mm ; f/4 ; 1/250" 200ISO 121,49Kb 1872·1210
Vīkingī: diē Veneris Iūliī 2.
tandem ad mētam peruēnī. ad locum quī nunc Sinus Meadows uocātur. ibi ultrā mare lītus Terrae Labōrātōriae uidētur, et in fretō nōnnūllae mōlēs glaciēī quae ē Groenlandiā maris flūmine uehuntur. abhinc mīlle annōs hominēs hōc locō habitābant quī meō loquēbantur sermōne, uērum tamen modō suō prīscō. quid illīs acciderit, nēmō scit; cōnstat autem nūllum hominem Eurōpaeum ad hanc mundī partem aduēnisse priusquam āctī essent annī quīngentī. fortasse haec est terra, quae in annālibus Īslandicīs, quī sagae uocāntur, commemorāta est nomine Vinland quae linguā Dānicā (ut uocātur lingua antīquōrum) significat ferē "campestris terra". in sinū domūs antīquōrum nunc restitūtae sunt ut uiātōrēs (sīcut egometipse) uidēre possumus modum uiuendī hōrum hominum. etiam oppidum Antōniopolis uīsī. tum iter fēcī retrō in Nouam Scotiam. domus Vīkingōrum apud Sinum Meadows 1999-7-2 10:41NST 24mm ; f/5,6 ; 1/125" 200ISO 77,03Kb 1859·1211 domī Vīkingōrum 1999-7-2 11:47NST 24mm ; f/8 ; 2" 200ISO 78,29Kb 1863·1220 ego Antōniopole 1999-7-2 16:47NST 20mm ; f/32 ; 1/4" 200ISO 72,54Kb 943·612
reditus: diē Veneris Iūliī 2. usque diem Sōlis Iūliī 4.
nox aestīua Terrae Nouae 1999-7-3 23:12NST 24mm ; f/2,8 ; 8" 200ISO 30,50Kb 1836·1188 alcē autocīnētō mortua 1999-7-4 08:49NST 24mm ; f/4 ; 1/60" 200ISO 77,32Kb 1870·1198 bis pernoctāuī in Nouā Terrā rediēns. prīmā nocte apud Grandem Montem, nocteque proximā in oppido Rīuō Angulī appellātō. nocte tertiā iterum in nāuī inter Nouam Terram et Nouam Scotiam fuī māneque Sydneiium in Nouā Scotiā aduēnī. tandem uesperī eō diē usque ad caput Nouae Terrae quoi est nomen Halifacia peruēnī, unde ego dēfessus uectus sum āeroplānō in Īslandiam. mē rēctā uiā uectūrum credidī. quom prīmum āeroplānum in āere fuit, indormīuī. ūnam et dīmidiam hōram post excitātus sum dum āeroplānum terram tangit. nōndum in Īslandiā fuī. ubīnam essem mē ipsum rogāuī. tum priusquam āeroplānum prōcessit id uīdī; fuī in mediā Nouā Terrā quam nūper festīnanter relīqueram! frūstrā iter celerrimum fēcī!

dabam 7. Iān. 2001.